ЎЗБЕКИСТОН РЕСПУБЛИКАСИ

ВАЗИРЛАР МАҲКАМАСИ ҲУЗУРИДАГИ

ОЛИЙ АТТЕСТАЦИЯ КОМИССИЯСИ

БУЙРУҚ № 36

2010 йил 20 апрель                                                                    Тошкент ш.

Ўзбекистон Республикаси Вазирлар Маҳкамасининг Таълим,

 соғлиқни сақлаш, ижтимоий муҳофаза масалалари ахборот-таҳлил

департаменти мажлиси баёни (15.04.2010й., №07/1-265)

топшириғининг ижроси ҳақида

Ўзбекистон Республикаси Вазирлар Маҳкамасининг Таълим, соғлиқни сақлаш, ижтимоий муҳофаза масалалари ахборот-таҳлил департаменти мажлиси баёни (15.04.2010й., №07/1-265) топшириғи ижросини таъминлаш мақсадида

БУЮРАМАН

§1

Ўзбекистон Республикаси Вазирлар Маҳкамасининг Таълим, соғлиқни сақлаш, ижтимоий муҳофаза масалалари ахборот-таҳлил департаменти мажлиси баёни (15.04.2010й., №07/1-265) топшириғи ижро учун қабул қилинсин.

§2

Диссертация автореферати юборилиши шарт бўлган ташкилотлар рўйхатига «ZiyoNET» ахборот тармоғи портали киритилсин ҳамда докторлик ва номзодлик диссертация ишлари авторефератларининг (кейинги ўринларда -  авторефератлар) электрон нусхалари ихтисослашган кенгашлар томонидан «ZiyoNET» ахборот тармоғи порталига белгиланган тартибда жойлаштирилиб борилсин.

§3

Ихтисослашган кенгашлар раҳбарияти:

авторефератларнинг тайёрланган электрон нусхаларини шахсан таҳририй ва техник кўрикдан ўтказсинлар;

2010 йилнинг 1 майидан бошлаб авторефератларнинг электрон нусхаларини «ZiyoNET» ахборот тармоғи порталига ва ўз (ташкилот, муассаса) веб-сайтига диссертация ҳимоясидан бир ой олдин мавжуд талаблар асосида жойлаштиришнлиги таъминласинлар;

диссертация иши ҳимояси бошланишида ихтисослашган кенгаш аъзоларига авторефератнинг электрон нусхаси тегишли манзилларга жойлаштирилгани тўғрисида ахборот берсинлар ва ушбу масалани мажлис стенограммасида акс эттирсинлар;

диссертация иши ҳимоясидан кейин ОАКга юбориладиган аттестация ишининг йўлланма хатида ҳимояси ўтказилган ушбу диссертация иши авторефератининг электрон нусхаси «ZiyoNET» ахборот тармоғи порталига жойлаштирилганлиги тўғрисида маълумот берсинлар;

кенгаш фаолияти бўйича ОАКга тақдим этиладиган йиллик ҳисоботга ушбу масаланинг таҳлилини киритсинлар.

§4

ОАК Меъёрий-ахборот бўлими илмий даражаларга талабгорларнинг аттестация ишларида авторефератларнинг электрон нусхалари «ZiyoNET» ахборот тармоғи порталига ва ихтисослашган кенгашларнинг (ташкилот, муассаса) веб-сайтига жойлаштирилганлиги тўғрисида маълумот бўлмаган тақдирда, аттестация ишларини қабул қилмасин.

§5

ОАК эксперт кенгашлари йил якунлари бўйича ихтисослашган кенгашларнинг фаолияти бўйича ОАКга тақдим этиладиган ҳисоботларни таҳлил ва муҳокама қилишда авторефератларнинг электрон нусхаларини «ZiyoNET» ахборот тармоғи порталига ва ихтисослашган кенгашларнинг (ташкилот, муассаса) веб-сайтига жойлаштирилиши бўйича маълумотларни кўриб чиқсинлар ва тегишли таклифлар бериб борсинлар.

§6

ОАК Илмий экспертиза бўлими илмий даражаларда тасдиқланмаган талабгорларнинг диссертация ишлари авторефератларининг электрон нусхаларини порталдан чиқариб ташлаш учун тегишли маълумотларни «ZiyoNET» ресурс марказига тақдим этиб борсин.

§7

Авторефератларнинг электрон нусхаларини «ZiyoNET» ахборот тармоғи порталига ва ихтисослашган кенгашларнинг (ташкилот, муассаса) веб-сайтига жойлаштирилиши бўйича таҳлилий маълумотлар ОАК Президиумининг мажлисида кўриб чиқиш учун киритиб борилсин.

§8

Ушбу буйруқнинг бажарилишини назорат қилишни ўз зиммамда қолдираман.

  Раис в.б.                                                                 К.С.Султонов